Aldaǵy 5 kúnde Ózbekstanda aptap ystyq bolady

TAShKENT. KAZINFORM – 25-29 shilde aralyǵynda Ózbekstanda aptap ystyq bolady, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Ózgıdromettiń dırektory Sherzodhýja Habıbýllahýjanyń málimetinshe, bul kúnderi eldiń biraz óńirinde aýa temperatýrasy +40...+43 gradýsqa deıin, ońtústik pen shóldi aımaqtarda +44...+45 gradýsqa deıin kóteriledi. 

Keı óńirlerde jeldiń jyldamdyǵy sekýndyna 13-18 metrge deıin kúsheıýi yqtımal. Al jekelegen aýdandarda jyldamdyǵy 20-23 m/s bolatyn shańdy daýyl turýy múmkin.

Aıta ketsek, buǵan deıin Qazaqstanda 45 gradýsqa deıin ystyq bolýy yqtımal ekenin habarlaǵan bolatynbyz.