Aldaǵy 3 kúnde qar jaýyp, burqasyn bolady

ASTANA. KAZINFORM – Qazgıdromet aldaǵy 3 kúnge aýa raıy boljamyn jarııalady.

«Aptanyń ortasynda elimizdiń batysynda, sodan keıin ońtústiginde antıtsıklonnyń áserinen 15-16 qarashada ońtústik-shyǵysta, 16 qarashada respýblıkanyń ortalyǵynda, shyǵysynda jáne soltústik-shyǵysynda jaýyn-shashynsyz aýa raıy boljanady. Biraq bul rette respýblıkanyń soltústik jartysynda jáne ońtústik-shyǵysynda qarly aýa raıy, soltústiginde burqasyn saqtalady. 15-16 qarashada tsıklon jyrasy birtindep batys aımaqtarǵa aýysady, odan jaýyn-shashyn jańbyr men qar túrinde, sondaı-aq kóktaıǵaq kútiledi. Elimizdiń ońtústik-shyǵysynda 14 qarashada qar jaýady dep boljanýda. Respýblıka boıynsha tuman men ekpindi jel soǵady», - delingen habarlamada.

Sondaı-aq sınoptıkter túnde aýa temperatýrasynyń batysta 1-10 gradýsqa deıin jylynatynyn, soltústik-batysta jáne soltústikte 2-11 gradýs sýyq bolatynyn boljady. Odan bólek ortalyqta 5-13 gradýs aıazǵa deıin, shyǵysta 5-18 gradýs aıazǵa deıin, ońtústikte 2-10 gradýs aıazǵa deıin joǵarylaıdy, elimizdiń ońtústik-shyǵysynda túnde 2-13 aıazǵa deıin tómendeıdi dep kútilýde.