Aldaǵy 3 kúnde aýa raıy qandaı bolady

ASTANA. KAZINFORM — Qazgıdromet aldaǵy 3 kúnge boljanǵan aýa raıy týraly málimetti taratty.

 — Aldaǵy úsh kúnde Qazaqstannyń basym bóligindegi aýa raıyn atmosferalyq frontaldy bólimder anyqtap, qubylmaly aýa raıy bolady. Elimizdiń basym bóliginde burqasyn soǵyp, qar jaýady, ońtústik óńirlerde — jaýyn-shashyn (jańbyr, qar) jáne kóktaıǵaq kútiledi. Elimizdiń batysynda antıtsıklonnyń áserinen jaýyn-shashynsyz aýa raıy saqtalady , - delingen habarlamada.

Sondaı-aq elimizdiń basym bóliginde aýa temperatýrasynyń tómendeýi kútiledi. Túnde elimizdiń batysynda 7-12 aıazǵa deıin, soltústik-batysta 13-18 gradýsqa deıin kún sýytady. Elimizdiń soltústiginde, ortalyǵynda 15-20 grýsqa deıin, respýblıkamyzdyń ońtústiginde, ońtústik-shyǵysynda 3-8 gradýsqa deıin aıaz bolady. Taýly aýdandarda 10-16 gradýsqa deıin tómendeıdi.