Albanııada 3,7 mln-nan astam saılaýshy jańa parlament quramyn anyqtaıdy
ASTANA. KAZINFORM — Jeksenbi, 11 mamyr kúni Albanııada jalpyulttyq parlamenttik saılaý ótedi. Oǵan 3 713 761 tirkelgen saılaýshy qatysa alady, dep habarlaıdy Anadoly.
Ortalyq saılaý komıssııasynyń málimetinshe, 140 depýtattyq mandatqa 53 saıası partııa men 3 koalıtsııa ókilderi talasady. Bul — 1991 jyly kommýnıstik rejım qulaǵannan bergi 11-shi parlamenttik saılaý bolmaq.
Búginnen bastap elde úgit-nasıhatqa shekteý kúshine endi. Daýys berý aıaqtalǵanǵa deıin mıtıng ótkizýge, buqaralyq aqparat quraldarynda nasıhat júrgizýge jáne kez kelgen saıası jarnamaǵa, onyń ishinde telearnalardaǵy kórsetilimderge tyıym salynǵan.
Saılaý kúni tańǵy 07:00–den keshki 19:00–ge deıin el aýmaǵyndaǵy 5 225 saılaý ýchaskesinde daýys berý ótedi.
Bıyl alǵash ret shetelde tirkelgen albanııalyq saılaýshylar qashyqtan — elektrondyq poshta nemese kádimgi poshta arqyly daýys bere alady. Bul múmkindikti 245 935 azamat paıdalanady. Daýys berý 15 sáýirde bastalyp, negizgi saılaý kúnimen qatar, 11 mamyrda aıaqtalady.
Saılaý barysyn Eýropadaǵy qaýipsizdik jáne yntymaqtastyq uıymynyń (EQYU) 31 elden kelgen 100-ge jýyq halyqaralyq baqylaýshysy qadaǵalaıdy.
Negizgi básekelester — sotsıalıster men demokrattar
Qazirgi premer-mınıstr Edı Rama basqaratyn bıleýshi Sotsıalıstik partııa (SP) saýalnamalarda alda keledi. Onyń basty qarsylasy — burynǵy premer Salı Berısha jetekshilik etetin Demokratııalyq partııa (DP), ol «Uly Albanııa alıansy» quramynda saılaýǵa túsip jatyr (blok 25 partııadan turady).
Edı Rama Albanııanyń Eýropalyq odaqqa ıntegratsııasyn óziniń basty basymdyǵy dep atap ótti. Ol 2025 jylǵa deıin EO-men kelissózderdiń barlyq taraýyn aıaqtap, 2030 jylǵa qaraı tolyq múshelikke qol jetkizýdi ýáde etti. Sonymen qatar, memlekettik qyzmetkerlerdiń jalaqysyn kóterý jáne áleýmettik qyzmetterdiń sapasyn jaqsartý da partııa baǵdarlamasyna engen.
Oppozıtsııalyq DP áleýmettik saıasatty kúsheıtýdi usynýda: zeınetkerler men az qamtylǵan otbasylarǵa qarjylaı kómek, salyq, densaýlyq saqtaý jáne bilim berý júıesin reformalaý josparlanýda.
Tómengi shek pen etnıkalyq ártúrlilik
Albanııada parlamentke ótý úshin partııaǵa bar bolǵany 1% daýys jınaý jetkilikti — bul Eýropadaǵy eń tómengi mejelerdiń biri.
El halqy etnıkalyq jáne dinı turǵyda alýan túrli. Albandardan bólek, munda makedondar, grekter, chernogorlar, vlahtar, bosnııalyqtar, serbter, bolgarlar, egıpettikter jáne syǵandar (roma) turady.
Musylmandar el halqynyń basym bóligin quraıdy, biraq katolıkter, pravoslavtar, bektashıler, protestanttar jáne ózge de dinı qaýymdar keńinen