Alaıaqtardyń shetelden shalǵan 15 mln qońyraýy buǵattaldy – ІІM
Onyń atap ótýinshe, ınternet-alaıaqtyqtyń keń taraǵan ádisteriniń biri – bank qyzmetkerleri men quqyq qorǵaý organdarynyń atynan qońyraý shalý.
«Qazir shetelden jasalǵan qońyraýlardy operatorlar tanıdy jáne buǵattaıdy. Tek jyl basynan beri 15 mln osyndaı qońyraýlar toqtatyldy. Sonymen qatar alaıaqtar azamattardy aldaýdyń jańa joldaryn izdeýde. Qazir sheteldik nómirlerden jáne «Vatsap» arqyly qońyraý shalý arqyly jasalǵan alaıaqtyqtar tirkelýde. Tirkelýdiń jalpy tómendeýine qaramastan, 3 aıda bank qyzmetkerleriniń atynan 400-den asa qylmys jasaldy. Olardyń basym bóligi azamattarǵa onlaın-qaryzdardy resimdeýmen baılanysty», - dedi ortalyq bastyǵy mınıstrliktiń baspasóz qyzmeti alańynda ótken brıfıngte.
Osy oraıda ol bank nemese polıtsııa qyzmetkerleri eshqashan derbes derekterdi suramaıtynyn jáne telefon arqyly arnaýly operatsııa júrgizbeıtinin atap ótti.
«Mınıstrlik osyndaı qylmystardyń aldyn alýǵa jáne ashýǵa baǵyttalǵan uıymdastyrý is-sharalaryn qabyldaýda. Banktermen birlesip, azamattardyń shottarynyń saqtalýyn qamtamasyz etý jáne zańsyz kredıtterdi resimdeýdiń jolyn kesý, onyń ishinde polıtsııamen jedel ózara is-qımyl boıynsha qosymsha is-sharalar iske asyp jatyr», - dedi Jandos Súıinbaı.
