Alaıaqtar jańa ádiske kóshti
ASTANA. KAZINFORM - Polıtsııa ınternet-alaıaqtardan saq bolýǵa shaqyrdy.
Sońǵy ýaqytta alaıaqtyqtyń jańa tásili keńinen taralyp jatyr. Qaskóıler satyp alýshylardy shekten tys arzan baǵamen qyzyqtyryp, ýaqyt tyǵyz degen syltaýmen taýarǵa aldyn ala tólem jasaýǵa ıtermeleıdi.
Alaıda aqsha aýdarylǵan soń olar baılanysqa shyqpaı, tapsyrys berilgen taýar múlde jetkizilmeıdi. Osyǵan baılanysty polıtsııa azamattardy barynsha saq bolýǵa shaqyrdy.
– Satyp alý kezinde tek qaýipsiz tólem ádisterin qoldanyńyz. Bank kartasynyń derekterin, sondaı-aq SMS arqyly keletin qupııa kodtardy bógde adamdarǵa eshqashan bermeńiz. Eger alaıaqtyq áreketke tap bolsańyz, dereý «102» nómirine habarlasý qajet, - dep eskertti polıtsııadan.
Buǵan deıin jazǵanymyzdaı, 67 jastaǵy ájeı alaıaqtardyń arbaýymen úıin satyp, depozıttegi aqshasyn sheship, tipti óz atyna nesıe resimdegen. Barlyq qarajatty túgin qaldyrmaı kórsetilgen shotqa aýdaryp jibergen.
Bas prokýratýra alaıaqtyqtyń jańa shemasy týraly eskertti.
ІІM depýtattardyń alaıaqtyq qurbandaryna ótemaqy tóleý qoryn qurý usynysyn qoldady.