Alaıaqtar prokýratýra qyzmetkeriniń keıpine enip aqsha talap etýde
Prokýratýranyń baspasóz qyzmetiniń málimetinshe, alaıaqtar ózderin prokýratýra qyzmetkeri retinde tanystyryp, qadaǵalaý organynyń aldaǵy tekserýleri týraly aıtyp adamdardy adastyryp jatyr.
«Alaıaqtar tekserý jaqsy júrgizilýi úshin bank shotyna aqshalaı syıaqy aýdarýdy suraıdy», - dep habarlady vedomstvodan.
Taǵy bir jaǵdaıda, azamattarǵa telefon soǵyp, olarǵa bank shottarynyń buzylǵanyn nemese atyna nesıe resimdeý áreketi jasalǵanyn habarlaıdy.
«Mundaı áreketterdi joıý úshin olar tıisti algorıtm usynady. Alaıaqtardyń aıtýynsha, shot ıelerine arnaıy qaýipsizdik kody jiberiledi, olar sony bizge aıt dep talap etedi. Bul rette abonentterdiń uıaly telefondarynda arnaıy quraldardyń kómegimen quqyq qorǵaý organdarynyń nómirleri anyqtalýy múmkin. Osyny paıdalanǵan qylmyskerler óz sózderiniń rastyǵyn dáleldeý úshin quqyq qorǵaý organdarynyń resmı saıttarynda aqparatty (qyzmetkerlerdiń aty-jóni, nómirleri) tekserýdi usynady. Osyǵan sengen adamdar alaıaqtardyń qurbany bolýy múmkin», - dep atap ótti Prokýratýranyń baspasóz qyzmeti.
