Alaıaqtar ınternet arqyly turǵyndardy qalaı aldaıdy
Bul týraly QR ІІM Krımınaldyq polıtsııa departamenti kıberqylmysqa qarsy kúres ortalyǵy basshysynyń mindetin atqarýshy Rústem Dúısetaev málim etti, dep habarlaıdy QazAqparat tilshisi.
«Ótken jyly elimizde 41 myń alaıaqtyq jasaldy. Bıyl qańtarda onyń sany 2,5 myńǵa jetti. Taldaý nátıjesi kórsetkendeı alaıaqtyq kóbinese qaryzǵa aqsha berý arqyly jasalady. Naqty túrlerin atasaq, tómengi paıyzben nesıe berý, qyzmet kórsetý, jyljymaıtyn múlikti satý taǵy sol sııaqty. Tsıfrlyq tehnologııa damyǵan saıyn alaıaqtyqtyń túrli ádis-tásili paıda bolyp jatyr. ıAǵnı ıtnernet alaıaqtyq», - Rústem Dúısetaev mınıstrlikte onlaın ótken baspasóz máslıhatynda.
Mınıstrlik usynǵan statıstıkaǵa súıensek, 2020 jyly elimizde 14 myń ınternet alaıaqtyq jasalsa, ótken jyly onyń sany 21 myńǵa jetken.
«Bıyl qańtarda ınternet arqyly 1177 alaıaqtyq áreket istelgen. Internet alaıaqtyq qylmysynyń keń taralǵan túri - taýar satý. ıAǵnı ınternet arqyly taýar satady, satyp alýshy aldyn ala aqshasyn tóleıdi, biraq taýar joq. Sodan soń mıkrokredıttik mekemelerden onlaın nesıe alý. Internet alaıaqtyqtyń taǵy bir keń taraǵan túri azamattardyń jeke derekterin bilip alyp, bank kartasynan aqshasyn sypyryp alý. Kóbinese alaıaqtar ózderin bank qyzmetkerimin dep tanystyrady da klıentten jeke málimetterdi suraıdy, odan ári jaǵdaı belgili», - deıdi ol.
