Alaıaqtar eldi aldaý úshin AnyDesk pen TeamViewer baǵdarlamalaryn qalaı qoldanady
Tártip saqshylary jelidegi alaıaqtyqtyń jıilep ketkenin atap ótti.
Alaıaqtar ózderiniń shemalarynda úshinshi tarap qurylǵysyna qashyqtan qol jetkizýge arnalǵan tanymal jáne zańdy baǵdarlamalardy paıdalanady.
Mobıldi bankıng daǵdylaryn tolyq meńgermegen azamattarǵa zııankester «AnyDesk» jáne «TeamViewer» qosymshalaryn júkteýdi usynady.
Osylaısha, olar mobıldi qurylǵylarǵa nemese kompıýterlerge tolyq qol jetkize alady, bul azamattardan aqsha urlaýdy jeńildetedi.
Sondaı-aq, búgingi tańda eń kóp taralǵan shemalardyń biri bank qyzmetkerleriniń atynan qońyraý shalý.
Kóbine alaıaqtar koll-ortalyqtyń resmı nómirin qaıtalaı otyryp, bank kartalarynyń qatysýymen qandaı da bir kúmándi operatsııalardy júrgizý syltaýymen jańylystyrýǵa tyrysady.
Olar bank salasyndaǵy bilimderin paıdalana otyryp, paıdakúnemdik nıetinen óz qurbandaryn asqan sheberlikpen shatastyrady, bul kóbinese jeke málimetterdi ıelenýge yqpal etedi.
Al ańǵal azamattar alaıaqtarǵa bank kartalarynyń, CVV-kodynyń derektemelerin jáne kelip túsken SMS-parolderdi beredi, nátıjesinde aqshalaı qarajatty shottardan ońaı aýdarýǵa ákep soǵady.
Bank kartasyn ustaýshylar alaıaqtardyń qurbanyna aınalmas úshin, derektemeler men SMS-parolder týraly málimetter surap bank qyzmetkerleri atynan kelip túetin kez kelgen qońyraýdy dereý toqtatý qajet.
«Esińizde bolsyn, bank qyzmetkerleri eshqashan mundaı málimetter suramaıdy jáne qońyraý soqpaıdy. Osyndaı jaǵdaılarda saq bolýlaryńyzdy jáne barlyq faktiler týraly polıtsııaǵa habarlaýyńyzdy suraımyz» - dep atap ótti PD krımınaldyq polıtsııa basqarmasy bóliminiń bastyǵy Talǵat Bólegenov.
