Alaıaqtan saq bolaıyq: ShQO-da polıtsııa erekshe bastamany qolǵa aldy

ÓSKEMEN. KAZINFORM – Shyǵys Qazaqstan oblysynda polıtseıler erekshe bastamany qolǵa aldy.

ІІM baspasóz qyzmetiniń málimetinshe, sút ónimderiniń qaptamalaryna «Alaıaqtardan saq bol» degen jazýy bar arnaıy QR-kodtar ornalastyryldy. 

Foto: telegram.org/k/POLICE_of_KZ

Kodty skanerleý arqyly tutynýshylar oblystyq polıtsııa departamentiniń resmı paraqshasyna ótip, qajetti aqparatqa qol jetkize alady.

— Bizdiń maqsatymyz – ár otbasyǵa ún qatý. Biz kúndelikti tutynylatyn ónimder arqyly áreket etýdemiz. Bul – qarapaıym, yńǵaıly ári tıimdi tásil, – dedi ShQO PD kıberqylmysqa qarsy is-qımyl basqarmasynyń bastyǵy D.Kamalhanov.

Bul bastama halyqtyń tsıfrlyq saýattylyǵyn arttyrý jáne kıberqylmystyń aldyn alýǵa baǵyttalǵan.

ShQO-daǵy 89 bóget kúrdeli jóndeýdi qajet etetinin jazǵan bolatynbyz.