Alaıaqqa sengen Almaty turǵyny 83 mln teńgesinen aıyrylyp qaldy

Polıtsııa kúdiktini ustady, dep habarlaıdy Polisia.kz.

Ol tanys áıelge ınvestıtsııany kóbeıtý úshin qomaqty somany bergen.

– T. esimdi turǵyn tanystaryna JShS biriniń atynan iri otandyq kompanııalardyń birine salymdar – ınvestıtsııa arqyly qosalqy bólshekterdi jetkizýge kelisimshart jasap jatqanyn aıtty. Biraq eń qyzyǵy kompanııaǵa bul salym qajet emes edi. Qazirgi ýaqytta bizdiń bólimshege osyndaı alaıaqtyq týraly aryzben 9 adam júgindi. Aldyn ala málimet boıynsha, T. esimdi áıel deldal retinde 10 mıllıonnan 20 mıllıon teńgege deıin aldyn ala tólem alǵan, al jábirlenýshilerdiń birinen 83 mıllıon teńge alǵan. Kúdikti ustaldy. Ol – Almaty oblysynyń turǵyny. Osy epızodtardyń barlyǵy bir óndiriske biriktirilip, sotqa deıingi tergeýdiń biryńǵaı tiziliminde qylmystyq is qozǵaldy, – dedi Bostandyq aýdandyq polıtsııa basqarmasynyń bastyǵy Maqsat Qanapıaev.

Tártip saqshylary aldanǵandardyń áli de kóp bolýy múmkin ekenin joqqa shyǵarmaıdy. Kúdiktini tanyǵan jaǵdaıda polıtsııa kórsetilgen nómirlerge habarlasýdy suraıdy: 8-701-233-47-90; 8-747-700-00-72 jáne 8-778-677-67-65.