Alaıaq vahtalyq jumysqa ornalastyrýdy ýáde etip, 30-ǵa jýyq adamdy aldady

AQTÓBE. QazAqparat – Aqtóbe oblysynda alaıaq vahtalyq jumysqa ornalastyrýdy ýáde etip, 30-ǵa jýyq adamdy aldaǵan, dep habarlaıdy QazAqparat Rolisia.kz-ke silteme jasap.

«Aqtóbe oblysy Polıtsııa departamenti»West Trans Group-M«JShS basshysyna qatysty alaıaqtyq faktisi boıynsha qylmystyq isti tergep jatyr.

Kúdikti munaı kompanııasyna vahtalyq ádispen jumysqa ornalastyrýǵa ýáde berip, 150 - 300 myń teńge kóleminde aldyn ala tólem alǵan.

Qazir polıtsııaǵa 30-ǵa jýyq aldanǵan azamat shaǵymdandy.

Dál osy alaıaqtyqtan zardap shekken tulǵalarǵa oblystyq Polıtsııa departamentiniń 416-kabınetine habarlasýdy nemese 8(7132) 936-416 telefon nómirine qońyraý shalýdy suraımyz. Bsqa óńirlerdiń turǵyndary turǵylyqty jeri boıynsha aýmaqtyq bólimshelerge habarlasa alady», - dedi Aqtóbe oblysy PD Tergeý basqarmasy bastyǵynyń orynbasary Sultanov Nurbolat.