Alaıaq páterler men jer ýchaskelerin tómen baǵada usynǵan

ASTANA. KAZINFORM – Memlekettik aıyptaýshy sottalýshynyń kinásin tolyq dáleldep, onyń 8 jábirlenýshige 49 mln teńgeden astam zalal keltirgenin anyqtady. Bul týraly Astana qalasynyń prokýratýrasynyń baspasóz qyzmeti habarlady. 

— Alaıaq jer ýchaskeleri men jyljymaıtyn múlikti tómendetilgen baǵamen satyp alýǵa kómektesemin dep ýáde bergen. Jábirlenýshilerden iri mólsherde aqsha qarajatyn alǵan soń, ol qarajatty óz qajettilikterine jumsaǵan. Mysaly, jábirlenýshi kináli tulǵaǵa jer ýchaskesin tómen baǵamen satyp alý jáne ulttyq kompanııaǵa jumysqa ornalastyrý úshin 7 mln teńge bergen. Alaıda sottalýshy óz ýádesin oryndamaǵan. Memlekettik aıyptaýshy sottalýshynyń kinásin tolyq dáleldep, onyń 8 jábirlenýshige 49 mln teńgeden astam zalal keltirgenin anyqtady, — delingen habarlamada.

Sot úkimimen oǵan 7 jyl merzimge bas bostandyǵynan aıyrý jazasy taǵaıyndaldy.

Materıaldyq shyǵyn óndirildi.

Úkim zańdy kúshine endi.

Aıta ketelik Astanada alaıaqtarǵa kómek kórsetken «dropperler» toby áshkerelengen edi.