Alan Qurmanǵalıev ústel tennısinen Qytaıdaǵy týrnırdiń qola júldegeri atandy

ASTANA. KAZINFORM - Ústel tennısinen Qazaqstan quramasynyń ókili Alan Qurmanǵalıev Qytaıdyń Beıjiń qalasynda ótip jatqan China Youth Smash týrnırinde qola júldege ıe boldy, dep habarlaıdy QR Ulttyq olmpıadalyq komıtetiniń baspasóz qyzmeti.

Alan jarystyń jartylaı fınalyna deıin jetip, jastar arasynda eki dúrkin álem chempıony qytaılyq Ven Jýıbomen kezdesti.

Bul match 4:0 esebimen qarsylastyń paıdasyna aıaqtaldy. Osylaısha Qurmanǵalıev týrnırdi qola medalmen aıaqtady.

Aıta keteıik, 1/4 fınalda qazaqstandyq sportshy jastar arasynda álem chempıony Lı Hechendi 4:3 esebimen jeńgen bolatyn.

Osyǵan deıin Dana Ábdirovanyń dzıýdodan jastar arasynda álem chempıonatynda kúmis alǵany týraly jazdyq.