Alakóldegi aıtysta Sara Toqtamysova 1,5 mln teńge ıelendi
Jyr dodasynda 1 mln teńge tigilgen І oryndy Jandarbek Bulǵaqov jeńip alsa, ІІ orynǵa Aınur Tursynbaeva laıyq dep tanyldy. Ol 800 myń teńgeniń sertıfıkatyna ıe boldy. Al úshinshi oryn Balǵymbek Imashevqa buıyrdy.
Jalpy jyr dodasyna 10 aqyn qatysqan. Júldeli oryndarǵa ıe bolmaǵan barlyq aqyndarǵa yntalandyrý syılyǵy retinde Alakól aýdany ákiminiń arnaıy júldesi - 200 myń teńgeniń sertıfıkaty berildi.
Aıta ketý kerek, Sara Toqtamysova dál osy Alakól aýdanynyń 80 jyldyq mereıtoıynda da bas júldeni ıelenip, kólik minip qaıtqan bolatyn.
Sondaı-aq, mereıtoıǵa baılanysty «Alty alashtyń Alakóli» atty kitaptyń tusaýkeser rásimi ótti. Aýdandaǵy bólim, mekeme, uıym, kásiporyndardyń tarıhı shejiresi men sol jyldarda eńbek etken aıtýly azamattardyń esimi jazylyp, aýdannyń qurmetti azamattarynyń tizimi engizilgen kitaptyń tusaýkeser rásimine aımaq turǵyndary qatysty. 
«Alty alashtyń Alakóli» atty kitapta tuńǵysh ret aýdan shejiresi jazylyp, Alakól týraly alǵash ret ańyzdar, aýdanǵa arnalǵan án-jyrlar jınaqtaldy. Bul, óz kezeginde, keıingi urpaqqa mol mura bolyp qalady degen oıdamyz» ,- dedi Alakól aýdanynyń ákimi Álibek Jaqanbaev.
Kitapty qurastyryp, óńdegen - Almaty oblysy, Alakól aýdanynyń Qurmetti azamaty, oblystyq «Jetisý» telekompanııasy dırektorynyń keńesshisi Ahmet Kendirbekuly.
Aýdan mereıtoıyna arnalǵan kesh sońy ortalyq «Symbat» stadıonynda qazaq estrada juldyzdarynyń merekelik kontsertine ulasty. Oǵan «Dosmuqasan» toby, Madına Sádýaqasova, Estaı Álekeev, Baýyrjan Isaev syndy óner juldyzdary qatysyp, halyqqa kóterińki kóńil-kúı syılady. Aıdyndy Alakóldiń 90 jyldyǵy otshashýmen aıaqtaldy.
Aıta ketý kerek, bıyl Almaty oblysyndaǵy Alakól jaǵalaýyna 1 mıllıonnan astam 1 mıllıonnan astam týrıst kelip demalǵan. Olarǵa 5,5 mlrd teńgeniń qyzmeti kórsetilgen.
