Aldaǵy ýaqytta elimizde 5 PET/KT ortalyǵy ashylmaq

ASTANA. KAZINFORM – Aladǵy ýaqytta elimizde 5 Pozıtrondy-emıssıondy tomografııa ortalyǵyn ashý josparlanǵan. Bul týraly Qazaq onkologııa jáne radıologııa ǵylymı-zertteý ınstıtýtynyń basqarma tóraǵasy Erbol Bekmuhambetov aıtty.

- Onkologııalyq aýrýlardy erte anyqtaý maqsatynda Qazaqstan Respýblıkasynda skrınıngtik tekserýler baǵdarlamasy iske asyrylyp jatyr. Joǵary tehnologııalyq dıagnostıkanyń basym baǵyttarynyń biri – ıadrolyq medıtsınany damytý. Búginde elimizde 14 PET/KT apparaty jáne 4 tsıklotrondy-óndiristik kesheni bar 10 ıadrolyq medıtsına ortalyǵy, 7 birfotondy emıssııalyq kompıýterlik tomografııa apparaty jumys isteıdi. Aldaǵy jyldary jeke ınvestıtsııalar esebinen taǵy 5 PET/KT ortalyǵyn ashý, sondaı-aq taǵy 1 birfotondy emıssııalyq kompıýterlik tomografııa apparatymen jabdyqtaý josparlanyp otyr, - dedi Ortalyq kommýnıkatsııalar qyzmetindegi brıfıngte. 

Onyń aıtýynsha, ambýlatorııalyq jaǵdaıda lıýtetsııa jáne samarııa negizindegi terapevtik radıofarmpreparattardy paıdalaný úshin normatıvtik bazaǵa ózgerister engizý boıynsha jumystar júrgizilip jatyr.

- Aǵymdaǵy qajettilik barysynda, al bul jyl saıyn 250-den astam patsıent quraıdy, terapııany oqshaýlaý shyǵyndardy aıtarlyqtaı azaıtady jáne emdeýdiń ozyq tehnologııalaryna qoljetimdilikti arttyrady, - dedi ınstıtýt basshysy.

Aıta keteıik, Qazaqstan azamattary onkologııalyq skrınıngtik zertteýlerden tegin ótedi.

Mundaı tekseris patsıenttiń tirkelgen jeri boıynsha medıtsınalyq-sanıtarııalyq alǵashqy kómek uıymdarynda júrgiziledi.