Aqyly avtoturaqtan Astana bıýdjeti 2 mlrd teńgege tolyqty

ASTANA. QazAqparat – Astanada aqyly avtoturaq qyzmetiniń arqasynda joba bastalǵaly qala bıýdjeti 2 mlrd teńgeden astam somaǵa tolyqty. Turaqty paıdalanýdan túsken soma – 202 mln teńge. Bul týraly «Astana turaq keńistigi» JShS-dan málim etti, dep habarlaıdy QazAqparat.

Aıta keteıik, turaq aqysyn tólemegeni úshin salynǵan aıyppul somasy tolyǵymen qala bıýdjetine túsedi jáne ol ınvestorǵa keri qaıtarylmaıdy.

«Aqyly avtoturaqtar júıesi «Astana turaq keńistigi» JShS-nyń 2,7 mlrd teńgeden astam qarajatyna iske asyryldy. Memleket kirisi – 92%, JShS kirisi 8% qurady. Memleket tarapynan ınvestıtsııalar tartylǵan joq», - delingen kompanııa málimetinde.

Elordada nómirlenýi 11**, 2***, 3***, 4*** dep bastalatyn aqyly avtoturaq jobasy 2022 jyldyń 1 naýryzynda engizildi. Atalmysh turaqtar: jumys kúnderi saǵat 8:00-den 20:00-ge deıin – aqyly, al demalys jáne mereke kúnderi – tegin.