Aqtoty Raıymqulova «Rýhanı qazyna» baıqaýynyń jeńimpazdaryn marapattady

NUR-SULTAN. QazAqparat – Búgin QR Mədenıet jəne sport mınıstri Aqtoty Raıymqulova Ulttyq mýzeıde «Rýhanı qazyna – 2020» respýblıkalyq baıqaýynyń jeńimpazdaryn marapattady, dep habarlaıdy QazAqparat tilshisi.

«Mádenıet jáne sport mınıstrligi osymen qatarynan úshinshi jyl respýblıkalyq «Rýhanı qazyna» festıvalin uıymdastyryp keledi. Jahandaný zamanynda rýhanı qundylyqtardyń mańyzy men máni burynǵydan da arta tústi. Óıtkeni, búkil álem zamanaýı nanotehnologııalardyń tilin meńgerýde. Bizdiń el de bul úrdisten qalys qalyp jatqan joq. Osyndaı kezeńderde mádenıet pen óner salasy da tys qalmaýy tıis. Sebebi, rýhanı azyqtyń qaınar bulaǵy bilim men ádebıette, óner men mádenıette jatyr. Dál osy maqsatpen eldegi epıdemıologııalyq jaǵdaıdy eskere otyryp tuńǵysh ret onlaın formatta festıval ótkizdik. Nátıjesi de jaman emes. ıAǵnı, belsendilik, qatysýshylar jaǵynan qyzyǵýshylyq basym. Bıyl nomınatsııa sany da birshama artty. Jeńimpazdardy yntalandyratyn qarjylaı júlde qory da az emes. Alaıda, eń basty maqsat bul emes. Festıvalge elimizdiń túkpir-túkpirinen mádenıet janashyrlary atsalysty. Alys aýyl, aýdan, monoqalalar men iri qalalardaǵy mádenı oıyn-saýyq oshaqtary, kitaphana, mýzeı qyzmetkerleri qatysty. ıAǵnı, bári bir ortaǵa, bir alańǵa jınalyp pikir almasyp, bireýi bilmegenin ekinshisinen surap, tájirıbe jınaqtady. Mınıstrliktiń eń basty kózdegeni de osy bolatyn. Qazylar alqasy úsh kún qatarynan onlaın formatta jiberilgen jumystardy qarady. Úzdigin saraptady. Búgin sonyń nátıjesin jarııalar sát týdy. «El ishi - óner kenishi» deıdi dana halqymyz. Ulttyq muralarymyzdyń umyt bolmaýy jolynda, bar salmaq ózderińizge túsedi. Sondyqtan elimizdiń ár óńirinen kelgen mádenıet janashyrlaryna myń alǵys»,-dedi Aqtoty Raıymqulova.

Aıta keteıik, osymen úshinshi ret ótken baıqaýǵa memlekettik mýzeı, kitaphana, mádenıet úıleri men aýyl klýbtarynan jalpy sany 259 ótinim tústi. Onyń ishinde 119 - kitaphana, 90 - mádenı oıyn-saýyq oshaǵy men 50 - mýzeı bar.

Ár nomınatsııa boıynsha jeńimpaz ujymǵa 1 000 000 teńge, ár nomınatsııa boıynsha jeńgen jekeleı azamatqa 500 000 teńge tabystaldy. Jalpy nomınatsııa sany - 50.

Sondaı-aq úzdik dep tanylǵan ózge de ónerpazdarǵa arnaıy júldeler qarastyrylǵan. Marapattaý rásimine óńirlerden barlyq jeńimpaz qatysty.