16:19, 24 Naýryz 2024 | GMT +6
Aqtóbeniń Qojasaı-Jańajol baǵytynda joldy sý basty
AQTÓBE. KAZINFORM - Aqtóbe oblysy Muǵaljar aýdanyndaǵy Jem ózende seń júrip, jergilikti mańyzǵa ıe joldy sý basty.
Búgin saǵat 12:10-da Qojasaı-Jańajol baǵytyndaǵy jergilikti mańyzy bar avtojoldyń tórtinshi shaqyrymyn sý basty. Onyń eni 70-80 metr bolady.
«Eldi mekenderge qaýip joq. Qatynas jol júrý múmkindigi joǵary tehnıkanyń kómegimen júzege asyrylýda. Erigen qar sýynyń deńgeıi tómendegennen keıin qalpyna keltirý jumystary josparlanyp otyr. Oqıǵa ornyna jergilikti atqarý organ ókilderi jáne TJ kúshteri jumyldyryldy. Kezekshilik uıymdastyryldy»,- dep habarlady Aqtóbe oblysy ákiminiń baspasóz qyzmeti.
Eske salsaq, Baıǵanın aýdanynda aýyl mańyndaǵy saıǵa sý jınalyp, 4 jasar bala batyp ketti.
