Aqtóbeniń agrosalasy alǵa basyp keledi: 4 aıda 61,4 mlrd teńgeniń ónimi óndirildi

AQTÓBE. KAZINFORM — 2025 jyldyń alǵashqy tórt aıynda Aqtóbe oblysynda aýyl sharýashylyǵy men tamaq ónerkásibi qarqyndy damyp, 61,4 mlrd teńgeniń ónimi óndirildi. Bul ótken jylmen salystyrǵanda naqty kólem ındeksin 102,5%-ǵa jetkizdi.

- Tórt túliktiń sany artty: iri qara – 626,1 myń, qoı-eshki – 1,28 mln, jylqy – 362,8 myń, túıe – 23,9 myń basqa jetti. Oblysta 100-den astam qaıta óńdeý kásiporny jumys isteıdi. Onyń ishinde 4 sút zaýyty men 11 et óńdeý kásiporny bar. Sút óńdeý qýattylyǵy – jylyna 68 myń tonna, al et óndirisi – 25,3 myń tonna, - dep jazdy AShM baspasóz qyzmetinen.

2025 jyldyń alǵashqy 4 aıynda agrosalaǵa 5,1 mlrd teńge ınvestıtsııa tartyldy. 2025-2027 jyldary jalpy 63,2 mlrd teńgege 50 joba iske asyrylmaq. Sonyń ishinde bıyl 16,5 mlrd teńgege 14 joba josparlanǵan.

Aqtóbede óndirilgen ónimder búginde Reseı, Qytaı, Ózbekstan, Tájikstan jáne taǵy basqa elderge eksporttalyp jatyr. Eksportpen aınalysatyn iri kásiporyndar sany 15-ten asady.

Aıta keteıik, agroónerkásip kesheninde quny 3,3 trln teńge bolatyn 677 joba iske asyrylady.