Aqtóbeniń bas dárigeri revaktsınatsııalaýdy ózinen bastady
Aqtóbe oblysy boıynsha 349 myńǵa jýyq adam vaktsınanyń birinshi, al 323 myńnan astamy eki komponentin de qabyldady. Bul ımmýndaý sharasyna qatysýy tıis turǵyndar sanynyń 61 % quraıdy. Búgin óńirde revaktsınatsııalaý bastaldy. Aldymen muǵalim, quqyq qorǵaý qyzmetkerleri men aq halattylar tartylady. Sonymen birge jasy 60-tan asqan, ımmýnıteti tómen sanatqa jatatyn adamdar da alǵashqy toppen vaktsına saldyra alady.
«Men ózim 1 aqpan kúni vaktsınanyń birinshi dozasyn qabyldadym. Ol kezde Spýtnık-V vaktsınasyn boldy. 21 kúnnen soń ekinshi komponentin saldyrdym. Sodan beri 9 aı ótti. Búgin elimiz boıynsha revaktsınatsııa bastalyp, ózim alǵashqylardyń biri bolyp saldyrdym. Vero Cell vaktsınasyn qabyldadym. Qan qysymymdy, satýratsııany ólshedi. 30 mınýt baqylaýda bolyp, ári qaraı jumysymdy jalǵastyra beremin», - dedi oblystyq densaýlyq saqtaý basqarmasynyń basshysy Rústem Isaev. Onyń aıtýynsha, qarapaıym turǵyndar 1 qańtardan bastap revaktsınatsııalaýǵa qatysady.
