Aqtóbelikter áskerı tehnıkalardyń murajaıyn tamashalady
Aqtóbedegi áýe qorǵanys kúshteri áskerı ınstıtýty 1974 jyly ashylǵan. Oqý ornyna 2003 jyly eki márte Keńes Odaǵynyń eki márte batyry Talǵat Bıgeldınovtiń esimi berildi. Ushqyshtar daıyndaıtyn oqý orny búgin áskerı tehnıkalardyń ashyq aspan astyndaǵy murajaıyn tamashalaýǵa múmkindik jasady. Munda 16 tehnıka kórmege qoıylǵan. Úsheýi tikushaq, ózgesi ushaq. Olardyń arasynda aýǵan soǵysy kezinde paıdalanylǵan ushaqtar da bar.
«Merekege oraı «Áskerı tehnıkalar» murajaıyn tamashalaýǵa múmkindik jasaldy. Murajaı 1998 jyly ashylǵan. Munda aýǵan soǵysy kezindegi áskerı tehnıkalar qoıyldy. Balalar úshin bul óte qyzyq. Keıde mamandyq tańdaýǵa osyndaı sharalar kómektesedi»,- dedi T.Bıleldınov atyndaǵy Áýe qorǵanysy kúshteri áskerı ınstıtýtynyń kýrsanty.
Murajaıda áskerı tehnıkalardy, júkti tasymaldaıtyn ushaqtar da bar. Máselen, AN-12 áskerı tasymaldaý ushaǵy Úndistandaǵy soǵysta alǵash qoldanylǵan eken. Salmaǵy 50 tonna bolatyn ushaq bir mezetti 90 áskerı qyzmetkerdi nemese 60 desantshyny tasymaldaı alady.
«Qala ishindegi kórmeni tamashalaýǵa múmkindik týdy. Bul jerde ushaqtyń túri kóp. Biz balalarymyzben kelip, ushaqqa minip, ishindegi tehnıkalarmen tanysýǵa múmkindik aldyq. Sonymen qatar, ushaqtardyń tehnıkalyq múmkindikteri men qyzmeti anyq kórsetilgen»,- dedi qala turǵyny Nurlan Esenǵulov.
Murajaıda aýǵan soǵysynda qoldanylǵan Sý-17 ushaǵy da bar. Sonymen qatar, MıG-29, Sý-24 sekildi áskerı ushaqtyń túr-túri qoıylǵan. Murajaı Jeńis kúni de jumys isteıdi.
