Aqtóbelik SQO-da sıntetıkalyq esirtki taratýmen aınalysqan

PETROPAVL. QazAqparat – Soltústik Qazaqstan oblysynyń polıtseıleri «mefedron» atty sıntetıkalyq esirtkini iri kólemde tatartaq Aqtóbe qalasynyń turǵynyn ustady, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, esirtki qylmysyna qarsy is-qımyl bólinisiniń qyzmetkerleri arnaıy operatsııa barysynda 27 jastaǵy Aqtóbe qalasynyń turǵynyn ustady. Ol sıntetıkalyq esirtkini jasyryp ketý arqyly taratty degen kúdikke ilingen. Ustaý kezinde er adamnan untaq tárizdes aq tústi zaty bar 9 túıinshek alyndy. Taǵy 16 túıinshek kúdikti kórsetken jasyrylǵan jerlerden jáne 3-ýi jalǵa alǵan páterden tabyldy. Sol jerden esirtki jasaýshylardyń quraldary - tarazy, ólsheýish qasyq, býyp túıetin materıal tabyldy.

Atalǵan fakti Sotqa deıingi tergep-tekserýdiń biryńǵaı tizilimine engizildi.

«Saraptamanyń qorytyndysyna sáıkes alynǵan zat «mefedron» degen atpen belgili sıntetıkalyq esirtki. Qazirgi tańda ol asa qaýipti esirtki bolyp esepteledi. Tárkilengen zattyń jalpy salmaǵy - 49,15 gramm, bul asa iri kólemge jatady. Odan qarapaıym esep boıynsha bir ret paıdalanýǵa bolatyn 800 dozany alýǵa bolady. Sıntetıkalyq esirtkini taratýmen kúresýge erekshe kóńil bólinedi», – deıdi SQO PD esirtki qylmysyna qarsy is-qımyl basqarmasynyńbastyǵy Jandos Basybaev.

Jyl basynan osymen tórtinshi ret basqa qala turǵyny sıntetıkalyq esirtkini jasyryn orynǵa salyp ketti degen kúdikke ilinip, ustalyp otyr.