Atyraý men Aqtóbeniń aralyǵyna kún saıyn ushaq qatynaıdy

ATYRAÝ. KAZINFORM — Aldaǵy 1 jeltoqsannan bastap Atyraý men Aqtóbe qalasynyń aralyǵyna kún saıyn ushaq qatynaıtyn boldy. Ony QAZAR AIR áýekompanııasy oryndaıdy.

Kólik mınıstrliginiń málimetine súıensek, 1 jeltoqsanda Aqtóbeden Atyraýǵa, Atyraýdan Aqtóbege ushaq qatynaıtyn bastaıdy. 

Kúndelikti turaqty reıster kelesi keste boıynsha oryndalatyn bolady. Dúısenbi, sársenbi jáne juma kúnderi Aqtóbeden IQ 395 áýe reısi saǵat 17:50–de áýege kóterilip, Atyraýǵa saǵat 19:10–da qonady. Al, Atyraý qalasynan 19:50–de ushatyn IQ 396 reıs Aqtóbege saǵat 21:10–da jetedi.

Aptanyń seısenbi, beısenbi senbi jáne jeksenbi kúnderi ushaqqa kúndiz otyrýǵa bolady. Máselen, IQ 395 reısi Aqtóbe shaharynan saǵat 09:10–da ushyp, Atyraýdaǵy áýejaıǵa saǵat 10:40–ta jetedi. Munaıly óńir ortalyǵynan saǵat 14:50–de ushqan IQ 396 reıspen kórshi qalaǵa saǵat 15:50–de taban tireýge bolady.

Áýe bıletiniń quny bir baǵytqa 13 myń teńgeden bastalady. 

Eske sala ketelik, buǵan deıin Atyraýdan Reseı shekarasyna deıingi jol qurylysy qalaı júrip jatqanyn jazǵan bolatynbyz.