Aqtóbedegi boran: turǵyn úıdiń shatyry ushyp ketti, 7 baǵyttaǵy avtobýs toqtady
AQTÓBE. KAZINFORM – Aqtóbe qalasynda barlyq baǵytta jol jabyq. Sonymen birge qala mańyndaǵy turǵyn úı alaptaryna qatynaıtyn qoǵamdyq kólik júrmeı jatyr.
Aqtóbe qalasynda qazir aqtútek boryn bolyp tur. Búgin mektep pen kolledjderde sabaq onlaın ótip jatyr. Sonymen birge №41, 44, 45, 49, 43, 37, 21 baǵyttardaǵy Órleý, Aqshat, Janaqonys, Bekqul baba, Sazdy, Qurshysaı, Jańaqonys turǵyn alaptaryna qatynaıtyn avtobýstar toqtatyldy.
Aqtóbe qalasy ákiminiń baspasóz qyzmetiniń habarlaýynsha, bul aýmaqtardy polıtsııa baqylaýǵa alyp, qatynasqa shekteý qoıǵan.
Aqtóbe qalasynda boran saldarynan turǵyn úıdiń shatyry da ushyp ketti.
- Jel ekpininiń kúsheıýi saldarynan keıbir baý-baqsha ujymdarynda elektr jelisi úzildi. Qazirgi ýaqytta «Energosıstema» brıgadalary jóndeý jumysyn júrgizýde. Áýeqalashyǵy 1/1 mekejaıynda turǵyn úıdiń shatyry ushty. Munda da jóndeý júrgiziledi, - dep habarlady Aqtóbe qalasy ákiminiń baspasóz qyzmeti.
