13:45, 10 Aqpan 2026 | GMT +5
Aqtóbede jol-kólik apatynan tórt adam mert boldy
AQTÓBE. KAZINFORM — Oqıǵa Aqtóbe-Orsk tasjolynda boldy. Qylmystyq is qozǵalyp, tergeý bastaldy.
Qarǵaly aýdany Qosestek aýylynda jeńil jáne júk kóligi soqtyǵysty. Polıtsııa oqıǵa ornyna baryp, sotqa deıingi tergep-tekserýdi bastady.
— Aldyn ala málimetterge sáıkes, Opel markaly jeńil avtokóliktiń júrgizýshisi qarsy qozǵalys jolaǵyna shyǵyp, DAF markaly júk kóligimen soqtyǵysqan. Jol-kólik oqıǵasy saldarynan jeńil avtokóliktiń júrgizýshisi men úsh jolaýshysy oqıǵa ornynda kóz jumdy, — dedi Aqtóbe oblystyq PD bastyǵynyń orynbasary Ardana Saımaǵambetov.
Buǵan deıin habarlaǵanymyzdaı, Aqtóbe-Atyraý tasjolynda bir mezette 10 kólik soqtyǵysyp, 3 adam jeńil jaraqattandy.