Aqtóbede joǵalǵan oqýshynyń denesi ózennen tabyldy

AQTÓBE. KAZINFORM — Oqýshy 30 qarasha kúni ketip, úıine qaıta oralmaǵan. Onyń denesin súńgýirler ózennen tapty. 

Aqtóbede oqýshy monshada jumys isteıtin dosyna kómektesýge baryp, úıine qaıta oralmaǵan soń eriktiler izdeý jarııalady. 10-synyp oqýshysy 30 qarasha kúni saǵat shamamen 12:30–da úıinen shyqqan.  Al polıtsııa keshe 112 qutqarý qyzmetine 16 jáne 27 jastaǵy eki adamnyń joǵalǵanyn, izdeýge kómek qajet ekenin aıtqan.

— Іzdestirý-qutqarý sharalaryna TJD kúshteri men quraldary, sondaı-aq TJM 20982 áskerı bóliminiń áskerı qyzmetshileri jáne polıtsııa qyzmetkerleri tartyldy. Іzdestirý-qutqarý jumystaryna dron, kınologtar men súńgýirler, júzý quraldary qoldanyldy. Keshe izdestirý-qutqarý sharalary barysynda TJD súńgýir bólimi joǵalǵan jasóspirimniń denesin taýyp, sýdan shyǵaryp aldy. Materıal protsessýaldyq sheshim qabyldaý úshin polıtsııa qyzmetkerlerine berildi, — dep habarlady Aqtóbe oblystyq TJD baspasóz qyzmeti.

Sonymen birge TJD qutqarýshylary búgin dron paıdalanyp, 1998 jyl týǵan ekinshi adamnyń denesin tapty. Onyń denesi ózen jaǵasynan 30 metr qashyqtyqtan tabyldy.

— Іzdestirý barysynda ózen jaǵasynan iz-túzsiz joǵalǵandardyń uıaly telefondary tabyldy. Tótenshe jaǵdaılar departamentiniń qyzmetkerleri eki adamnyń denesin jaǵaǵa shyǵardy. Olardan zorlyq-zombylyq belgileri anyqtalǵan joq. Qazir tergeý amaldary júrgizilip jatyr. Oqıǵanyń barlyq mán-jaıy anyqtalady, — dep habarlady oblystyq PD baspasóz qyzmetiniń jetekshisi Erbolat Sarqulov.

Eske salsaq, Jambyl aýdanyndaǵy sharýa qojalyqtardyń birinde eki kún buryn qoıshy 700 qoıymen birge qumdy aýmaqta adasyp ketken. Polıtseıler qalyń tumanda adasyp ketken qoıshyny tapty.