Aqtóbede jylý maýsymy qashan aıaqtalatyny belgili boldy

AQTÓBE. KAZINFORM – Aqtóbe qalasynda jylý 20 sáýirden bastap sóndiriledi. Aldymen turǵyn úılerden bastalady. 

Aqtóbe qalalyq ákimdigi bıyl jylytý maýsymy qaı ýaqytta aıaqtalatynyn túsindirdi.

— Qala turǵyndary jylýdyń qashan óshetinin surap jatyr. Jylý berý maýsymyn ótkizý qaǵıdalaryna sáıkes eger bes táýlik qatarynan túngi ýaqytta aýa temperatýrasy +10°S jáne odan joǵary bolsa, jylý berý toqtatylady. Qazir túngi ýaqytta aýa temperatýrasy bul deńgeıden tómen bolyp tur. Sonymen qatar sınoptıkterdiń boljamy boıynsha alda kún sýytady. Ekinshi onkúndikte aýa temperatýrasynyń túnde -3+2°S deıin, kúndiz +3+8°S deıin tómendeý múmkin. Sondyqtan jylý berýdi toqtatýdy 20-25 sáýir aralyǵynda kezeń-kezeńimen júzege asyrý josparlandy. Kóppáterli úılerde 21 sáýir, al áleýmettik nysandarda (balabaqsha, mektep, aýrýhana) 25 sáýirde sóndiriledi, - dep habarlady Aqtóbe oblysy ákiminiń baspasóz qyzmeti.

Aıta keteıik, Aqtóbe oblysynda sáýir aıynyń ekinshi onkúndigi ádettegiden salqyn bolady. Sonymen birge oblystyń soltústiginde jaýyn-shashyn normadan joǵary bolýy yqtımal.