Aqtóbede jetim balalarǵa pəterlerdiń kiltteri tabys etildi
Bes qabatty úıde 60 páter bolsa, onyń beseýi bir bólmeli, otyzy eki bólmeli, jıyrmasy úsh bólmeli, beseýi tórt bólmeli. Ár páterdiń aýmaǵy 31-den 79 sharshy metrge deıin jetedi.
Jetim jəne ata-ananyń qamqorlyǵynsyz qalǵan 12 bala, əleýmettik jaǵynan əlsiz topqa jatatyn 19 januıa, 18 bıýdjettik sala qyzmetkeri, sonymen qatar jalǵyz baspanasy apatty dep tanylǵan otbasy jeke baspanalaryna ıe boldy. Qalǵan on pəter bıýdjettik mekemelerdiń qyzmetkerlerine jaldaýǵa berildi.
«Elbasy tapsyrmasymen oblysta azamattardyń əl-aýqatyn olardy baspanamen qamtamasyz etý arqyly arttyrýǵa baǵyttalǵan «Nurly jer» jəne «Nurly jol» baǵlarlamalary tabysty júzege asyrylyp jatyr. Byltyr oblys tarıhynda alǵash ret 793 myń sharshy metr turǵyn úı salynyp, 6800-den asa aqtóbelik otbasy qonys toıyn toılady. Bul memlekettik baǵdarlamanyń qoldaýymen múmkin boldy. Osyndaı úıler Aqtóbe qalasynda ǵana emes, barlyq aýdan ortalyqtarynda da salynatyn bolady»,-dedi B.Saparbaev.
Baspanaly bolǵandardyń qatarynda oblystyq balalar úıiniń túlegi Olga Vasıleva da bar.
«Joldasym ekeýmizdiń tórt balamyz bar. Buryn óz úıimiz bolmady, týystarymyzdyń úıinde turdyq. Búgin bizge ózimizdiń úsh bólmeli páterimizdiń kiltin tabys etti», - dedi qýanyshymen bólisken Vasıleva.
Jýyrda Alǵa qalasynda memlekettik baǵdarlama boıynsha 60 páterlik 5 qabatty úı paıdalanylýǵa berilmek. Keleshekte 120 páterlik eki turǵyn úı salý josparda bar.
Sondaı-aq, oblys ákimi Berdibek Saparbaev Alǵa qalasyndaǵy ortalyq stadıonda bolyp,shaıbaly hokkeıden ótken «Juldyzdy shaıba» saıysy men «Eń úzdik muz aıdyny» baıqaýynyń jeńimpaz komandalaryn marapattady.
«Balalarymyzdyń sportpen shuǵyldanýyna jaǵdaı jasaı otyryp, biz óskeleń urpaqtyń fızıkalyq, rýhanı jəne moraldyq turǵyda deni saý bolýyn qamtamasyz etemiz. Barlyq mektep muǵalimderi men dırektorlarynyń nazarlaryn oqýshylardy buqaralyq sportqa aýdarýlaryn suraımyn. Óz kezeginde oblys basshylyǵy Elbasy tapsyrmasyna saı halyqtyń sportpen aınalysýy úshin materıaldyq-tehnıkalyq bazany nyǵaıtyp, damytý jumystaryn jalǵastyratyn bolady»,-dedi oblys əkimi quttyqtaý sózinde.
Marjanbulaq, Bestamaq selolyq okrýgteriniń jáne V.Patsaev atyndaǵy №2 mektep komandalary shaıbaly hokkeı týrnıriniń jeńimpazy atandy. Olar osy jyldyń qańtar aıynda Aqtóbede ótetin oblystyq jarysta aýdan namysyn qorǵamaq.
Óńir basshysy jarys jeńimpazdaryna dıplomdar men konkıler tabystady. 
Úzdik muz aıdyny baıqaýynda Tamdy, Bestamaq jáne Saryqobda selolyq okrýgteri júldeli oryndarǵa ıe boldy. Eset batyr atyndaǵy aýdandyq dene shynyqtyrý kesheniniń dırektory Berik Baqytovtyń aıtýynsha, tóreshiler eń aldymen muzdyń tegistigin, sonymen qatar, muz aıdynynyń tehnıkalyq jaǵynan jabdyqtalýyna baǵa berdi.
«Búginde aýdannyń jalpy bilim beretin 27 mektebiniń barlyǵynda, BJSM-de, barlyq selolyq okrýgterde muz aıdyny bar. Sońǵy eki-úsh jylda qysqy sport túrlerine kóp kóńil bólinip júr. Sporttyq kıimder, jabdyqtar satyp alyndy. Ótken jylǵy sporttyq kezeńmen salystyrǵanda nátıje bar. Qysqy sport túrlerimen shuǵyldanǵysy keletin balalar sany 30% artty»,-dedi Baqytov.
