Aqtóbede jasóspirim sýǵa batyp ketti

AQTÓBE. KAZINFORM - Mektep oqýshysynyń denesi Shalqar kólinen tabyldy. Ol tyıym salynǵan jerde sýǵa shomylǵan.

Aqtóbe oblysy Shalqar aýdanyndaǵy jedel-qutqarý jasaǵy 15 jastaǵy jasóspirimniń denesin Shalqar kólinen shyǵardy.

- Qaıǵyly oqıǵa 22 mamyr kúni saǵat 17:00 shamasynda boldy. Jasóspirim shomylýǵa ruqsat etilmegen jerde sýǵa batyp ketken.

Іzdeý jumystary damba mańyndaǵy aýmaqta júrgizildi. Mundaǵy tereńdik 4-6 metr. Atalǵan jerde shomylýǵa tyıym salynǵany týraly belgi ornatylǵan,- dep habarlady oblystyq TJD baspasóz qyzmeti.

Eske salsaq, eki kún buryn Aqtóbede 4 jasar bala sýǵa batyp ketti. Balanyń denesin súńgýirler 2 metr tereńdikten alyp shyqty. Byltyr Aqtóbede 13 adam sýǵa batyp ketti. Onyń 9-y kámelet jasqa tolmaǵan.