Aqtóbede jarylǵan jylý qubyry jóndeldi

AQTÓBE. KAZINFORM — Qala ortalyǵyndaǵy qubyrdy dánekerleý jumysy túnde aıaqtalyp, iske qosyldy. Qazir barlyq úıde jylý bar.

Aqtóbe qalasy Á.Moldaǵulova dańǵyly boıyndaǵy jóndeý jumystary 5 saǵatqa sozyldy.

— Mundaı dıametrdegi magıstraldyq qubyrdy jóndeý normatıvi orta eseppen 12-15 saǵatty quraıdy. Dánekerleý jumystary saǵat 21:00–01:00 aralyǵynda júrgizildi. Odan keıin bir saǵatta magıstraldyq qubyrdy toltyrý jumysy atqaryldy. Túngi 02:00–de jylý berildi. Shekteý kezinde turǵyn úıler salqyndap úlgergen joq. Sýmen jabdyqtaý shtattyq rejımde iske asty, — dedi «Aqtobe su-energy» AQ-nyń qoǵammen baılanys jónindegi ortalyq jetekshisi, baspasóz hatshysy Lıazzat Qudaıbergenova.

Eske salsaq, qubyr jarylǵan kezde Aqtóbe qalasyndaǵy Indýstrıalnaıa kóshesinde ornalasqan balabaqsha, Álııa Moldaǵulova dańǵylyndaǵy № 3, 5, 7, 9, 11, 13 jáne Tilepbergenov kóshesindegi № 78, 80, Ábilqaıyr han dańǵylyndaǵy № 69 úılerge jylý berý ýaqytsha toqtady. Jóndeýge barlyǵy 27 qyzmetker jumyldy. Mundaı apatty jaǵdaı qalada bıyl birinshi ret tirkelip tur.