Aqtóbede jańa taǵaıyndaýlar boldy
QR Prezıdenti ákimshiliginiń kelisimimen jáne QR ІІM buıryǵymen, QR ІІM Qylmystyq-túzetý júıesiniń oblystyq departamenti bastyǵy laýazymyna Almas Shamıshev taǵaıyndaldy.
Ol 1979 jyly týǵan. Joǵary bilimdi.
QR ІІM Akademııasynyń tyńdaýshysy. Eńbek jolyn QR Ádilet mınıstrliginiń Qylmystyq atqarý júıesi departamenti KA-168/2 mekemesiniń jedel ýákili jedel bóliminiń bastyǵy bolyp bastady. Ár jyldary QR ІІM Qylmystyq-atqarý júıesi komıtetiniń jedel ýákili, asa mańyzdy ister jónindegi aǵa jedel ýákili, jedel basqarý bóliminiń bastyǵy, Astana qalasy boıynsha qylmystyq atqarý júıesi komıteti basqarmasynyń rejim jáne qadaǵalaý bóliminiń bastyǵy boldy. 2019-2020 jyldary Qylmystyq atqarý júıesi komıtetiniń Aqtóbe oblysy boıynsha departamenti bastyǵynyń orynbasary qyzmetin atqardy.
Sonymen qatar, Aqtóbe oblysynyń ekonomıka jáne bıýdjetti josparlaý basqarmasy basshysynyń buıryǵymen oblystyq ekonomıka jáne bıýdjetti josparlaý basqarmasy basshysynyń orynbasary qyzmetine Nurjan Maqsatov taǵaıyndaldy.
Ol Qazaq-Brıtan tehnıkalyq ýnıversıtetiniń túlegi.
QR Prezıdenti janyndaǵy Memlekettik basqarý akademııasynyń «Óńirlik damý baǵyty» boıynsha magıstri dárejesin támamdaǵan.
Eńbek jolyn 2014 jyly Aqtóbe oblysy ındýstrııalyq-ınnovatsııalyq damý basqarmasynda is-júrgizý mamany bolyp bastaǵan. Aqtóbe oblysy ındýstrııalyq-ınnovatsııalyq damý basqarmasynda ónerkásip nemese ındýstrııalyq damý bóliminiń basshysy bolyp qyzmet etti.
QR Prezıdentiniń jastar kadrlyq rezervine iriktelgen.
Aıta keteıik, oblys ákimi Ońdasyn Orazalın taǵaıyndalǵan azamattardyń jumysyna sáttilik tilep, aldaǵy ýaqytta óńirdiń damýyna birlesip jumys jasaımyz degen senimin bildirdi.
