Aqtóbede volonterler jumysyn júıeleıtin qaýymdastyq qurylady - Narqozy Qartjan
Narqozy Qartjan elordada Prezıdent Qasym – Jomart Toqaevtyń qatysýymen ótken «Biz birgemiz» respýblıkalyq front-keńsesiniń ashylýyna qatysyp, ózi qatarly muqtaj jandarǵa kómektesip júrgen otandastarymen oı bólisti. Jas jigit stýdenttik shaǵynda alǵash ret volonter bolýdy, onyń mán-maǵynasyn úırendi.
«Volonterler qatarynda júrgenime 5 jyldan asty. Eń aldymen «D.A.R» eriktiler klýbyna múshe bolyp, qazirgi Nur-Sultan qalasynda ótken dzıýdodan halyqaralyq chempıonatqa qatystym. Sol kezde bir aı boıy biliktilik arttyrý kýrsyna qatysyp, kómek kórsetý joldaryn úırendim. Aǵylshyn tili mamandyǵyn meńgergen soń kóbine aýdarmashynyń qyzmetin atqaryp júrmin. Dál sol kezde volonter qyzmetin túsinip, onyń damýy, róli, jumysy jaıyn uǵa bastadym. Aqtóbege oralǵan soń ózge qatarlastarymmen tájirıbe bólisip, EXPO kórmesi, Almatydaǵy Ýnıversıada, Aqtóbede ótken gir kóterýden álem chempıonatynda erikti qyzmetin atqardym. Elimizde eriktilerdiń serpilis alǵany sáti – EXPO kórmesi. Halyqaralyq sharada Aqtóbeden 150 erikti baryp, qyzmet etti. Al 2018 jyly qarasha aıynda Bakýde úlken halyqaralyq forým boldy. TMD elderiniń volonterlik qozǵalys jetekshileri qatysqan jıynda Reseı men Ázerbaıjannan keıin Qazaqstan úshinshi orynnan kórindi. Bizde volonterlerdiń qyzmeti, mindeti bekigen, damyǵan. 2016 jyly qabyldanǵan zań kóp múmkindik beredi. Qazir erikti ol hobbı emes, negizgi jumysyma aınaldy»,- dedi ol.
Qazir Aqtóbede 35 eriktiler toby bar. Volonterler sany 1500-den asty. Joǵalǵan adamdardy izdeý, qarııalarǵa kómek kórsetý jaqsy jolǵa qoıylǵan. Tabıǵat janashyrlary da jaz boıy bulaq kózin ashyp, ózen-kólderdiń máselesin ótkir kóterdi. Ár salany qamtyǵan qamqorshylar endi birge jumys isteýdi, habar alyp, baılanys ornatýdy maqsat etip otyr.
«Aqtóbede volonterlerdiń jumysyn júıeleý úshin qaýymdastyq qurylyp jatyr. Biz osy arqyly eriktilerdiń jumysyn, Aqtóbede atqarylǵan isti kórsetýdi maqsat etip otyrmyz. Eshkim qarsylyq bildirmedi. «Zello Іzdeý», «Aqtóbe Dyshı», «Júrekten júrekke», «Aqtóbe qaıyrymdy jandar» toby túgel kelisip otyr. Ári statıstıkalyq ortalyq retinde jumys isteıdi. Báseke bar, biraq bári ashyq, ádil. Ýnıversıtette «Praktık - 2020» atty akademııa ashyldy. Bir baǵyty – eriktiler mektebi. Eriktilik ol qaıyrymdylyq emes. Áleýmettik jaǵdaıy tómen, kópbalaly otbasylarǵa kómektesemiz, biraq arǵy jaǵyn oılamaımyz. Stýdentter bir kún jınalyp, azyq-túlik jetkizdi. Іs munymen bitpeıdi. Bir kúndik aktsııa, azyq-túlik, kıim-keshek jetkizý tıimsiz. Máselen, dál osylaı únemi kómek kórsetken, keıin ol otbasy teledıdar suratty. Balalar úshin qajet bolar degen oımen tehnıkany apardy, keıin tońazytqysh qajet ekenin aıtty. Úıine barǵanda tońazytqyshtyń jumys istep turǵanyn kórdik. ıAǵnı, biz óz isimizben keıde jatypisherlerdi kóbeıtemiz, adamdardy masyldyqqa úıretemiz», - dedi Narqozy Qartjan.
Ol qaıyrymdy istiń qaıtarymdy jolyn usyndy. ıAǵnı, daıyn tamaq, daıyn kıim-keshek jetkizý qate. Az qamtylǵan, kópbalaly otbasylar múshelerin eńbekke aralastyryp, balalaryna bilim bergen jón.
«Adamdardyń áleýmettik jaǵdaıyn qalaı túzeýge bolady? Máselen, men kásipker bolsam eńbekke qabiletti otbasy múshesin jumysqa ornalastyramyn. Oqýshynyń sabaqtan keıin de jumys isteýine múmkindik beremin. Kúnine 3-4 myń tóleýge bolady. Ózim aǵylshyn tilin bilemin. Balalarǵa til úıretý, bul da jaqsy is. Psıhologııa mamandyǵyn meńgerip júrgen stýdentter kómektesse, ózderine tájirıbe jınaıdy, qoǵamǵa qol ushyn sozady. Mine, sondaı baǵyttardy damytqanymyz abzal. Áleýmettik jaǵynan osal top ortaǵa qosylyp, óz betimen ómir súrýdi úırense, erikti eńbeginiń nátıjeli bolǵany. Memleketten qarjy bólmeı, bir-birimizdi demep, damý jolyna tússek, utqanymyz», - dedi ol.