Aqtóbede vırýs juqtyrǵan 300-ge jýyq naýqas ınfektsııalyq statsıonarlarda jatyr

AQTÓBE. QazAqparat – Óńirde vırýs juqtyrǵan 300-ge jýyq naýqas ınfektsııalyq statsıonarlarda em qabyldap jatyr. Al 8 myńnan astam adam úı karantıninde, dep habarlaıdy QazAqparat tilshisi.

Ótken táýlikte Aqtóbede 237 adam aýyryp, dáriger kómegine júgindi. Kóbi qala turǵyny. Sonymen birge Alǵa, Qobda, Mártók, Muǵaljar, Temir aýdandarynyń turǵyndary da bar. Oblystyq sanıtarııalyq-epıdemıologııalyq baqylaý departamentiniń habarlaýynsha, búginge deıin 43 myńnan astam adamnan vırýs anyqtalsa, onyń 85 % jazylǵan.

«Bıyl 8 myńnan astam adamnan koronavırýs ınfektsııasy anyqtaldy. Al oblys boıynsha barlyǵy 5472 aýrý oshaǵy tirkeldi. Onyń 4976-sy turmystyq, 496-sy uıymdasqan top, onyń ishinde 43-i medıtsınalyq uıym. Negizinen 30-39 jas aralyǵyndaǵy adamdar anasynda jıi anyqtalatyny belgili boldy. Sonymn birge 40-49 jas aralyǵyndaǵy adamdar aýyryp jatyr», - dedi oblystyq sanıtarııalyq-epıdemıologııalyq baqylaý departamentiniń basshysy Raıhan Qoıshanova.

Óńirde 47 mobıldi monıtorıng top bar. Bıyl olar 735 myń teńgeniń 16 ákimishilik aıyppulyn saldy. Jalpy «Ashyq» jobasyn qoldaný kezinde 136 adamnan «qyzyl», 33 adamnan «sary» statýs anyqtaldy.

«Jańa 2021 -2022 oqý jylynda (1 qyrkúıek - 20 qańtary aralyǵynda) oqýshylary arasynda 1 616 jaǵdaı tirkeldi. Onyń 600-den astamy demalys kezinde vırýs juqtyrǵan», - dedi Raıhan Qoıshanova.

Aıta keteıik, qazir 300-den astam adam aýrýhanada jatyr. Onyń 22-i jansaqtaý bóliminde. Vırýs juqtyrǵan 449 balanyń 19-y aýrýhanada jatyr. Sonymen birge 146 júkti áıeldiń 36-y dárigerler baqylaýynda.