Aqtóbede týdy órtegen memlekettik mekeme qyzmetkerleri túsinik berdi

AQTÓBE. QazAqparat - Aqtóbe oblystyq memlekettik múlik jáne jekeshelendirý departamenti aýla ishinde týdy órtegen. Qyzmetkerler áleýmettik jelige tarap ketken beınematerıalǵa qatysty túsinik berdi, dep habarlaıdy QazAqparat tilshisi.

QR Qarjy mınıstrliginiń memlekettik múlik jáne jekeshelendirý komıteti oblystyq memlekettik múlik jáne jekeshelendirý departamentiniń qyzmetkerleri aýla ishinde tý jaqty. Bul vıdeo áleýmettik jelige tarap, kópshilik ashýyn týǵyzdy.
«Aqtóbe memlekettik múlik jáne jekeshelendirý departamenti 12 qyrkúıekte arnaıy komıssııa esepten shyǵarǵan týdy jaqty. Ulttyq standarttarǵa sáıkes kelmeıtin Qazaqstan Respýblıkasynyń Memlekettik Týyn, Memlekettik Eltańbasyn aýystyrý jáne joıý qaǵıdalarynyń 2-tarmaǵynyń 6-tarmaqshasyna sáıkes uzaq ýaqyt paıdalaný saldarynan jaramsyz bolǵan Qazaqstan Respýblıkasynyń Memlekettik týlaryn jáne olardy qaıta qoldaný múmkindigin boldyrmaý maqsatynda órteldi», - dep habarlady memlekettik mekeme basshysy Qablan Qambarbekov.
Aıta keteıik, osy jolmen mekeme eki jylda 29 mekemeden jınalǵan 60-tan astam týdy jaqty.
Eske salsaq, Aqtóbede joldy kesip ótpek bolǵan júrginshini kólik qaǵyp, 63 jastaǵy turǵyn kóz jumdy.

Vıdeodan alynǵan kadr