Aqtóbede taǵy eki joldy sý shaıyp ketti

AQTÓBE. KAZINFORM - Aqtóbede oblystyq mańyzy bar eki joldy qarǵyn sý shaıyp ketti.

Aqtóbede joldardy sý shaıý deregi áli tirkelip jatyr. Oblystyq mańyzy bar «Shubarqudyq-Oıyl-Qobda-Sol-Iletsk» avtojolynyń 16 jáne 120 shaqyrymy, «Pokrovka-Temir-Keńqııaq-Embi» avtojolynyń 115-shaqyrymnan 179-shaqyrymyna deıingi aralyǵy jabyq. Aqtóbe oblystyq avtomobıl joldary jáne jolaýshylar kóligi basqarmasy bóliminiń basshysy Bekbolat Nurashevtiń aıtýynsha, Qobda aýdany aýmaǵyndaǵy «Shubarqudyq-Oıyl-Qobda-Sol-Iletsk» avtojolynyń 315-shaqyrymynda da joldy qarǵyn sý shaıyp ketti.

Eske salsaq, búgin túske deıin óńirde 12 joldan sý ótkeni belgili boldy. Ol kezde úsh joldy sý shaıǵan bolatyn. Barlyǵy 230 adam evakýatsııalandy.