Aqtóbede suıytylǵan gaz máselesi qazan aıynda sheshiledi
AQTÓBE. KAZINFORM – Zaýyttardaǵy jóndeý jumysynan keıin Aqtóbede suıytylǵan gaz azaıdy. Keı jerde ol tek talon arqyly satylyp jatyr.
Oblystyq kásipkerlik basqarmasynyń basshysy Almas Salyqbaevtyń aıtýynsha, osy aıda eki kompanııanyń zaýyttarynda jóndeý jumystary júrgizilgen.
- Suıytylǵan gaz óndiretin zaýyttarda jóndeý jumystary júrgizildi. ıAǵnı 12-19 qyrkúıek kúnderi aralyǵynda «Qazaqoıl Aqtóbe» JShS jáne «Gas Processing» JShS-de jóndeý júrgizildi. «SNPS-Aqtóbemunaıgaz» kompanııasy 17–24 qyrkúıek kúnderi aralyǵynda gazdy temirjol arqyly, al 25–28 qyrkúıek aralyǵynda avtokólikpen tasymaldamaǵan. Qazir oblys aýmaǵynda 8 gaz toltyrý stantsııasy bar. Barlyǵynda gaz kólemi azaıǵan. Jaǵdaı qazan aıynda qaıta qalpyna keledi,- dedi oblystyq kásipkerlik basqarmasynyń basshysy Almas Salyqbaev.
Aıta keteıik, QR Energetıka mınıstrligi bólgen suıytylǵan gaz kólemi shilde aıynda Aqtóbe úshin azdyq etti. Sondyqtan ol kezde óńipne taǵy 1 221 tonnasy bólindi.