Aqtóbede stýdent qyz jigitti pyshaqtady

AQTÓBE. KAZINFORM – Aqtóbede kolledj bilim alýshylarynyń otyrysy sátsiz aıaqtaldy. Úıge kirmek bolǵan jigittiń aldynan pyshaq ala shyqqan qyzdy polıtsııa anyqtap, bólimge jetkizdi.

Oqıǵa 20 jeltoqsan kúni bolǵan. Aqtóbe oblystyq Bilim basqarmasy baspasóz qyzmetiniń habarlaýynsha, sol kúni kolledj bilim alýshylary, kámelet jasqa tolmaǵan qyzdar jınalyp, otyrys jasaǵan.

- Aqtóbe qalasy Eset batyr turǵyn alaby aýmaǵynda ornalasqan úılerdiń birine otyrysqa jınalǵan. Otyrys kezinde bir jasóspirim qyzdyń jigiti kelip, esikti qaǵyp, qyzdardy mazalaǵan. Sodan bir qyz bala as úı pyshaǵymen jigitti jaraqattaǵan. Kúdikti retinde Aqtóbe servıs kolledjiniń stýdenti ustaldy. Qazirgi tańda quqyq qorǵaý organdary tergep-tekserý amaldaryn júrgizip jatyr,- dedi Aqtóbe oblystyq Bilim basqarmasy baspasóz qyzmeti.

Aqtóbe oblystyq PD baspasóz qyzmetiniń habarlaýynsha, qazirgi Qylmystyq kodekstiń «Densaýlyqqa qasaqana aýyr zııan keltirý» baby boıynsha is qozǵalyp, tergeý júrip jatyr. Kúdikti anyqtalyp, polıtsııa bólimine jetkizilgen.

Aıta keteıik, Aqtóbe polıtsııasy jol boıynda bılegen balalardy tasymaldaǵan júrgizýshini jazalady.