Aqtóbede óz-ózine qol jumsaǵan aýyl ákiminiń isi qysqartyldy

AQTÓBE. KAZINFORM – Bestamaq aýylynyń ákimi aýrýhanadan shyqqan soń jumysqa qaıta qosyldy. Keıin densaýlyǵyna baılanysty qaıta demalysqa shyqty.

Aqtóbe oblystyq PD baspasóz qyzmetiniń habarlaýynsha, is qylmystyq quram bolmaǵan soń qysqartyldy.

Al Alǵa aýdanynyń ákimi Aslanbek Shúıinshalıevtiń aıtýynsha, Bestamaq aýyldyq okrýginiń ákimi aýrýhanada em alyp shyqqan soń jumysqa qosylǵan. Alaıda keıin ońaltý sharalaryn qabyldaý úshin qaıta demalysqa shyqqan. 

Eske salsaq, bıyl 7 shilde kúni Bestamaq aýyldyq okrýginiń ákimi óz-ózine qol jumsamaq boldy.

Sol kezde oblystyq polıtsııa departamenti óz-ózine qol jumsaýǵa oqtalý deregi boıynsha sot aldy tergeýdi bastady. Aýdan ákimidigi bári de kezekti eńbek demalysyna shyqqan kezde bolǵanyn habarlady.