Aqtóbede ondaǵan moped aıyp turaǵynda tur

AQTÓBE. KAZINFORM — Moped júrgizýshileri memlekettik tirkeýden ótpeı, kólik bastarǵan. Mundaı 100-den astam derek anyqtaldy.

Aqtóbede jedel — aldyn alý is-sharasy kezinde 700-den astam motokólik pen moped júrgizýshisi tekserildi. Barlyǵy 200-den astam ákimshilik quqyqbuzýshylyq anyqtaldy.

— 132 adamda júrgizýshi kýáligi bolmady. Al 16-y qorǵanys shlemin kımegen. Sonymen birge 102 motokólikti memlekettik tirkeýsiz basqarǵany belgili boldy. Bul reıdter kezinde túsindirý jumystaryn júrgizip, motokólik pen moped ıelerine qaýipsizdik talaptaryn saqtaý qajettigin eskertildi, — dep habarlady oblystyq PD baspasóz qyzmeti.

Eske salsaq, Aqtóbede polıtsııa qyzmetkeriniń jumysyna kedergi keltirip, bólimge kirgender jazalandy. Alǵa aýdanynda 7 er adam polıtsııa eskertýine qulaq aspaı, tipti bólimge ruqsatsyz kirgen.