Aqtóbede oblystyq bilim basqarmasynyń basshysy aýysty

AQTÓBE. QazAqparat – Aqtóbe oblystyq bilim basqarmasynyń basshysy bolyp Joldas Batyrhan taǵaıyndaldy, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Joldas Batyrhan Aqtóbe pedagogıkalyq ınstıtýtyn, Qazaq-orys halyqaralyq ýnıversıtetin támamdaǵan.​ Eńbek jolyn 1998 jyly Temir aýdany Sarytoǵaı orta mektebinde​ bastady. Ár túrli jyldary Temir aýdany​ №6 Shubarqudyq negizgi mektebiniń​ dırektory, Temir aýdany Tasqopa aýyldyq okrýginiń ákimi,​ Temir aýdany Shubarshı aýyldyq okrýginiń ákimi, Temir aýdandyq bilim bóliminiń basshysy, Temir aýdany ákimi apparatynyń ınspektory bolyp qyzmet etti. Sonymen qatar, Temir aýdany ákiminiń orynbasary, Aqtóbe oblysy din isteri basqarmasynyń basshysy laýazymdaryn atqardy.

Búginge deıin Temir aýdanynyń ákimi boldy.

Aıta keteıik, keshe Temir aýdanynyń ákimi bolyp Salamat Amanbaev taǵaıyndaldy.