Aqtóbede memlekettik qyzmetshiler marapattaldy
Konstıtýtsııa kúni qarsańynda Memlekettik qyzmet isteri departamenti jáne memlekettik qyzmetshilerdiń salalyq kásipodaǵy saltanatty shara uıymdastyrdy. Aqtóbelik memlekettik qyzmetshilerge memlekettik qyzmet salasyndaǵy qyzmettik mindetterin úlgili jáne minsiz oryndaǵany úshin «Memlekettik qyzmettiń damýyna qosqan úlesi úshin» tósbelgileri tabystaldy.
Marapattalǵandardyń qatarynda oblystyq eńbek, áleýmettik qorǵaý jáne kóshi-qon departamenti basshysynyń orynbasary Nurlan Majıtov, oblystyq statıstıka departamentiniń basqarma basshysy Rashan Qaldybaeva, oblystyq tekserý komıssııasynyń bólim basshysy Baqytgúl Tóleýbaeva, oblystyq jumyspen qamtýdy úılestirý jáne áleýmettik baǵdarlamalar basqarmasynyń bas mamany Aınash Sısekenova, oblystyq ishki saıasat basqarmasynyń bólim basshysy Almas Elbosynov, Yrǵyz aýdandyq ekonomıka jáne bıýdjettik josparlaý bóliminiń basshysy Gúlnar Jansúgirova jáne Baıǵanın aýdandyq máslıhatynyń apparatynyń bólimshe basshysy Amangúl Oraz bar.
«Memlekettik qyzmet keń aýqymdy bilimdi, úlken qaıtarymdy, jaýapkershilik pen tózimdilikti qajet etedi. Halyqtyń ómir súrý deńgeıi memlekettik qyzmetshilerdiń jumysyna baılanysty. Osyǵan oraı, olardyń jumysyna rızashylyq bildirý jáne memlekettik qyzmetshilerdi yntalandyrý maqsatynda Memlekettik qyzmet isteri departamentiniń bastamasymen biz «Memlekettik qyzmettiń damýyna qosqan úlesi úshin» tósbelgisin bekittik. Ol jyl saıyn aıryqsha kózge túsken memlekettik qyzmetshilerge tabystalatyn bolady», - dep atap ótti salalyq kásipodaq tóraıymy Muhtarıta Saǵyndyqova.
Aıta keteıik, marapattalǵandardyń kóbi uzaq jyl boıy eńbek etip, el ıgiligine jumys istep júr.
«Memlekettik qyzmet týraly» zań qabyldanǵan ýaqyttan beri memlekettik qyzmetshi bolyp júrmin. Sol kúni «elimizge adal, ádil qyzmet etemin» dep ant bergen edim. Búgin sol jemege jettim», - dedi Yrǵyz aýdandyq ekonomıka jáne bıýdjettik josparlaý bóliminiń basshysy Gúlnar Jansúgirova.
