Aqtóbede mektepke Baýyrjan Momyshulynyń esimi berildi
Úkimet qaýlysyna sáıkes, Aqtóbede 5 mektepke batyrlar men qoǵam qaıratkerleriniń esimi berildi. Búgin №62 orta mektepte «Meniń tóreshilerim - ýaqyt pen halyq» atty dóńgelek ústel ótti. Jıynǵa Aqtóbe qalasy ákimdiginiń ókilderi, tarıhshy ǵalymdar, joǵary oqý oryndarynyń muǵalimderi, mektep muǵalimderi men oqýshylar qatysty. Aqtóbe qalasynyń ákimi Іlııas Ispanov ańyzǵa aınalǵan qolbasshy Baýyrjan Momyshulynyń óskeleń urpaqty tárbıeleýdegi rólin atap ótti.
Keıin B.Momyshulynyń kelini Zeınep Ahmetova batyrdyń minez-qulqy erekshelikterine, sanaly ómirine toqtaldy. Estelikterimen bólisip, ómiriniń este qalatyn sátterinen mysaldar keltirdi.
Aqtóbe qalasy ákimi baspasóz qyzmetiniń habarlaýynsha, Shákárim Qudaıberdiuly, Mirjaqyp Dýlatov, Uzaqbaı Qulymbetov, Jumabek Táshenov esimderi № 66, 63, 64, 68 orta mektepterge berildi.
