Aqtóbede mektep dırektory «jala japty» dep sotqa bergen jýrnalıstiń isi jabyldy

AQTÓBE. KAZINFORM. Aqtóbe qalasynyń ákimshilik mamandandyrylǵan aýdanaralyq sotynda jýrnalıst Asqar Aqtileýge qatysty is qaraldy. Yrǵyz gımnazııasynyń dırektory jala japty dep sotqa aryz túsirgen bolatyn.

Oqıǵa byltyr kúzde bolǵan.

Aqtóbe oblysynyń ákimi Ashat Shaharov Yrǵyz aýdanyna jumys saparymen barǵan kezde gımnazııa ǵımaratyn aralap, keıin turǵyndardy qabyldady.

Sol kezde mekteptiń kishi qyzmetkeri Móldir Ǵapız jýrnalısterge bilim ordasyndaǵy olqylyqtardy kórsetip, shara qabyldaý úshin Aqtóbe oblystyq bilim basqarmasynyń basshysy Jaıyq Sultanǵa da mán-jaıdy aıtyp berdi. Keıin arada aı ótkende kishi qyzmetker jumystan shyǵyp, jýrnalısterge habar berdi.

Munyń bárin jýrnalıst Asqar Aqtileý óziniń Instagram áleýmettik jelisindegi paraqshasynda jazyp, aqparattandyryp otyrdy.

Іs materıalyna súıensek, Yrǵyz mektep-gımnazııasynyń dırektory áleýmettik jelidegi stroısti saqtap, QR ÁQBtK «jala jabý» baby boıynsha sotqa aryz túsirdi.

— QR ÁQBtK-niń 73-3-baby 2-bóliginiń sanktsııasy — 180 AEK mólsherinde aıyppul nemese 20 táýlik merzimge ákimshilik qamaqqa alý jazasyn kózdeıdi.
Sot otyrysynda quqyq buzýshynyń kinási óz dálelin tappady, sol sebepti sot qaýlysymen azamat Asqar Aqtileýge qatysty ákimshilik quqyqbuzý óndirisi quramy bolmaýyna baılanysy toqtatyldy. Sot qaýlysy zańdy kúshine engen joq, — dep habarlady Aqtóbe qalasynyń ákimshilik mamandandyrylǵan aýdanaralyq sotynyń baspasóz qyzmeti.