Aqtóbede Maǵadjan bógetiniń bir búıiri buzyldy
AQTÓBE. KAZINFORM - Hromtaý aýdanynda ornalasqan Maǵadjan bógetiniń bir búıiri buzylyp, sý Aqtóbe qalasy men Alǵa aýdanyna qaraı keldi. Aýyldarda adamdar evakýatsııalandy.
Aqtóbe oblysy Hromtaý aýdany Tabantal aýyldyq okrýginde ornalasqan Maǵadjan bógetiniń bir sheti buzyldy.
— Alǵa aýdanyndaǵy Besqospa, Qyzyltý aýyldary jáne Tabantal qystaǵy sý basý aımaǵynda tur. Sondyqtan mundaǵy 215 adam, onyń ishinde 96 bala Besqospa aýylynyń orta mektebine jáne týystarynyń úılerine evakýatsııalandy, mal qaýipsiz jerge aıdaldy. Tabantal ózeninde jaǵalaýdy nyǵaıtý jumystary júrgizilip jatyr, — dep habarlady Aqtóbe oblystyq TJD baspasóz qyzmeti.
Aıta keteıik, Maǵadjan sý bógeti 1985 jyly salynǵan. Jekeniń qolyndaǵy bógettiń syıymdylyǵy — 15,8 mln tekte metr. Bul Hromtaý aýdany Tabantal aýylynan 22 shaqyrym qashyqtyqta ornalasqan.
Eske salsaq, buǵan deıin Áıteke bı aýdanynda Şerbakov bógeti buzyldy. Osy oqıǵadan soń Qylmystyq kodekstiń «Salǵyrttyq» baby boıynsha is qozǵaldy.
