Aqtóbede kópqabatty úıden órt shyqty

AQTÓBE. KAZINFORM – Aqtóbe qalasy Eset batyr turǵyn alabyndaǵy kópqabatty úı órtendi. 

Býdaqtaǵan qara tútin Eset batyr turǵyn alabyndaǵy 9 qabatty úıdiń jetinshi qabatynan shyqqany anyqtaldy. 

– Oqıǵa ornyna jedel jetken órt sóndirýshiler baspaldaq marshy arqyly 15 adamdy evakýatsııalady. Onyń 4-eýi bala. Zardap shekkender joq. Qazir balkonnan shyqqan órttiń tutaný sebebi anyqtalyp jatyr. Tilsiz jaý 19 mınýt ishinde sóndirildi, - dep habarlady oblystyq TJD baspasóz qyzmeti.

Eske salsaq, búgin túnde Mártók aýdany Dostyq aýylynda jer úı janyp ketti. Onda erli-zaıypty zeınetkerdiń denesi tabyldy. Mundaǵy órttiń aýdany 90 sharshy metr boldy.