Aqtóbede kishkentaı balalar «GAZeldi» órtep jiberdi

AQTÓBE. QazAqparat – Aqtóbede 5, 6 jáne 7 jasar balalar aýlada turǵan kólik ishinde oınap, ot tutatqan. «GAZel» tolyq janyp ketti, dep habarlaıdy QazAqparat tilshisi.

Órt Aqtóbe qalasynyń «Spetsavtobaza-2» baý-baqsha ujymynda tirkeldi. «GAZel» avtokóligi órtendi. Oqıǵa ornyna polıtsııa qyzmetkerleri men órt sóndirý qyzmeti jiberildi. Anyqtaý kezinde ony 5, 6 jáne 7 jastaǵy úsh kórshi balanyń jaǵyp jibergeni belgili boldy.

«Balalar avtokólik bortynda oınap, oryndyqtyń jumsaq bóligin órtep jibergenin aıtty. Mashına tolyǵymen janyp ketken. Balalardyń buzaqylyǵy úshin ata-analary jaýapqa tartylady», - dep habarlady oblystyq PD baspasóz qyzmetiniń jetekshisi Erbolat Sarqulov.