Aqtóbede kepilde bolǵan úsh adam bosatyldy — polıtsııa

AQTÓBE. KAZINFORM — Aqtóbede kepilde bolǵan qyz ben onyń ata-anasy bosatyldy. Kúdikti ustaldy.

Aqtóbe oblystyq PD baspasóz qyzmeti kepilde bolǵan adamdardyń túgel bosatylǵanyn habarlady.

— Kepilge alynǵan áıeldi bosatý operatsııasy sátti ótti. Kúdikti ustaldy. Jábirlenýshi qyz jáne onyń ata-anasy medıtsınalyq mekemege jetkizildi. Jaraqat alǵan, — dep habarlady oblystyq PD baspasóz qyzmeti.

Posmotret etý pýblıkatsııý v Instagram

Pýblıkatsııa ot Polisia AKTOBE (@polisia_aqtobe)

Oqıǵa ornynda kelissóz júrgizgen oblystyq PD bastyǵy Abaı Júsipovtiń aıtýynsha, jedel basqarý ortalyǵyna habar 20:00 shamasynda túsken.

— Jedel tergeý toby, arnaıy jasaq oqıǵa ornyna keldi. Jedel operatsııa ótip, kepilge alynǵan azamatsha men onyń ata-anasy bosatyldy. Kúdikti adam ustaldy, — dedi oblystyq PD bastyǵy Abaı Júsipov.

Polıtsııanyń habarlaýynsha, kúdikti talap qoımaǵan.

Aıta keteıik, osyǵan deıin belgisiz bireý qyzdy kepilge alǵanyn habarlaǵan edik.