Aqtóbede eresek halyqtyń 64 paıyzdan astamy vaktsına saldyrdy
Aqtóbe oblysynda bir táýlikte bir ǵana adamnan koronavırýs ınfektsııasy anyqtaldy. Qazirgi kezde 44 adam aýrýhanada em qabyldap jatyr.
Onyń 9-y jansaqtaý bóliminde.
Dárigerler bir adamdy ókpeni jasandy jeldetý apparatyna qosyp qoıdy.
«Koronavırýs ınfektsııasyn juqtyrǵan 6 balanyń ekeýi statsıonarda em qabyldap jatyr. Sonymen birge 3 júkti kelinshek te dárigerler baqylaýynda. Qazirgi kezde ınfektsııalyq tósek-oryn júktemesi 23%, al jansaqtaý bólimindegi júkteme 24% qurap otyr», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.
Aıta keteıik, búginge deıin óńirge 938 myńnan astam vaktsına jetkizildi.
364 myńnan astam adam birinshi, al 338 myńnan astam adam vaktsınanyń eki komponentin de qabyldady.
«Vaktsına qabyldaýǵa múmkindigi bar turǵyndardyń 64% ımmýndaý sharasyna qatysty. Al Pfizer vaktsınasy týraly aıtar bolsam, 4087 adam saldyrdy. Onyń 2500-den astamy jasóspirim. Sondaı-aq 10 myńnan astam adam revatsınatsııadan ótti», - dedi Bekbolat Іzbasarov.
