Aqtóbede dúken órtenip, eki adamdy kúıik shaldy

  AQTÓBE. KAZINFORM — Aqtóbe qalasynda bes qabatty úıge japsarlas salynǵan dúken janyp ketti. Eki adam kúıip, aýrýhanaǵa tústi. 

Oqıǵa Aqtóbe qalasy Astana aýdanyndaǵy A.Makarenko kóshesinde boldy. Bes qabatty úıge japsarlas salynǵan dúkenniń shatyry jandy.

— Dúken shatyryndaǵy aǵashtyń janǵany, órt sóndirýshiler barǵansha ottegi ballonynyń jarylǵany týraly aıtyldy. Órt sóndirýshiler órt oshaǵyn tabý úshin shatyrdy ashyp, 100 sharshy metr bolatyn alańdy sóndirdi. Órtten zardap shekken eki adam aýrýhanaǵa jetkizildi, — dep habarlady oblystyq PD baspasóz qyzmeti.

Aıta keteıik, buǵan deıin «Bolashaq» shahtasynyń ken óndirý blogynda qysqa merzimdi tutaný boldy. Keıin kúıip qalǵan jumysshylardyń ekeýi sanavıatsııa arqyly Astanaǵa jetkizildi. Bireýi Aqtóbede em alyp jatyr.